FELIZ 2012

Mentres recopilamos todo o material audiovisual da gran festa de Nadal que desfrutamos o día 22 de decembro no noso cole, deixámosvos un pequeno cariño en forma de felicitación

ENTREMANS

Coas mans  descubrimos o mundo, pois con elas tomamos conciencia do que nos pertence. Con elas tocamos, acariciamos, sinalamos e collemos o que desexamos. Durante este trimestre na aula de 3 anos as mans foron unha peza clave nos nosos primeiros momentos na escola...

Coas mans  acariciamos en son de amor  e con elas marcamos  as nosas pegadas no mundo.

Coa axuda das nosas familias trouxemos a clase un montón de recortes de fotos de mans e con elas iniciámonos nas habilidades de pensamento

Para ter a todas as familias preto de nós, trouxemos a clase a silueta das súas mans coas que fixemos un mural.

Con plastilina  elaboramos adornos para as mans.

  Co retroproxector  experimentamos facendo sombras e resultou do máis divertido.

O MAGOSTO

O prometido é deuda!!! Aquí vos deixamos un vídeo no que podedes ver cómo o pasamos nesta festa que tanto nos gusta! Pedímoslle ao concello un xogos populares nos que demostramos ser uns verdadeiros expertos, e despois... A comer castañas asadas!!

VIVA O MAGOSTO!!

Aquí tedes a letra da canción popular que interpretan os nenos e nenas de 5 anos, Bisbal ao seu lado un afeccionado!

 

NON CHAS QUERO

Non chas quero, non chas quero

castañas do teu magosto,

non chas quero, non chas quero

que me cheiran ao chamosco

que me cheiran ao chamosco

Ailalelo ailalalo.

Marica se vas ao río a lavar

non batas a roupa que a podes rachar

que a podes rachar

que a podes rachar

Marica se vas ao río a lavar...

Indo polo souto abaixo

escorrín nun ouriciño,

ai que tres castañas levo!

do souto do meu veciño...

do souto do meu veciño

Ailalelo ailalalo

Marica se vas...

Do outro lado do río

ten meu pai un castiñeiro,

dá castañas en Agosto,

uvas pasas en Xaneiro

uvas pasas en Xaneiro

Ailalelo ailalalo.

Marica se vas...

A castaña no ourizo

quixo rir e rebentou,

caeu do castaño abaixo

mira que chasco levou

mira que chasco levou

Ailalelo ailalalo.

Marica se vas...

- Ábreme a porta Marica,

que che quero dar castañas.

- Eu a porta non cha abro,

que ben sei das túas mañas

que ben sei das túas mañas

Ailalelo ailalalo.

Marica se vas ao río a lavar

non batas a roupa que a podes rachar

que a podes rachar

que a podes rachar

Marica se vas ao río a lavar...

PREPARANDO O MAGOSTO

Pouco despois de celebrar o Samaín, tivemos que comezar cos preparativos doutra festa do Outono...

Non paramos!!

Para poñer o cole ben bonito, organizamos unha exposición con froitos característicos desta estación, a verdade é que a participación foi máis que boa, un 10 para as familias que axudaron aos nenos/as a participar destas actividades que nos fan sentir tan orgullosos dos nosos traballiños!! A participación de 10, o esforzo e os resultados de 20!!

Nas clases tamén colaboramos coas nosas creacións para a exposición, os nenos e nenas pasárono pipa convertindo as castañas en animaliños e bonecos!

Os peques tivemos, ademais, que preparar os "accesorios" que iamos lucir na festa do Magosto, unha diadema e un cucurucho no que gardar as nosas deliciosas castañas! 

Proximamente subiremos unhas fotos nas que poderedes ver todo o que xogamos e o que comemos o día da festa. O bo... faise esperar!!

SAMAÍN AO ESTILO CELTA

Un ano máis no cole celebramos a festividade do Samaín, esta vez cunha peculiaridade: un Samaín baseado na súa orixe celta, afastándonos un pouco dos estereotipos de medo, vampiros, monstros...

Pois ben, para levar a cabo a nosa particular festa, tivemos que traballar arreo durante as semanas previas, así ao ciclo de infantil tocounos desta vez decorar o hall da entrada polo que os nosos nenos e nenas tiveron que empregarse a fondo para axudarnos a elaborar dita decoración.

Trouxeron preciosas cabazas celtas.

Fixemos fadas do monte con cucuruchos de cartolina e papeis de cores... Quedaron impresionantes!

 

 

Pintamos e decoramos montóns de cabazas para adornar o ximnasio...

Elaboramos con masa branca uns colgantes celtas que despois pintamos con pincel e nos cales estampamos un símbolo característico desta cultura...

 As nenas fixéronse unhas coroas e os nenos uns torques empregando diferentes técnicas plásticas...

E todos viñemos vestidos o máis "celtas" posible para a gran Festa!
Festa na que non faltou de nada... Tivemos desde unha pócema do Gran Druída na que botamos os nosos propósitos do Novo Ano Celta, ata grandes bailes inspirados nesa época!!! Portámonos e fixémolo xenial!!

COMEZOU O NOVO CURSO!!

Estas primeiras semanas do curso foron do máis emocionantes...
Os pequenos/as de 3 anos comezaron a súa andaina no noso colexio con un montón de anécdotas, algúns choros, varias preocupacións, centos de conversas... pero sobre todo, e pasados os nervios dos primeiros días, con moitas ganas e moitísimas risas.
A chegada destes novos amigos ilusionou tamén aos outros compañeiros/as de infantil que se sentiron, de golpe, un pouco máis maiores.

SIMULACRO E VISITA SORPRESA DOS BOMBEIROS

Este mes de maio  foi un mes moi movido no noso cole, tamén nos visitaron os bombeiros. Tras unha alarma de incendios abandonamos á toda presa o colexio.  Menuda sorpresa¡ tratábase  dunha falsa alarma, un simulacro ao que acudiron os bombeiros. E tras o apuro inicial chegou a diversión de sentirnos bombeiros por un día.

Gracias ao grupo de bombeiros pola paciencia e atención que lles amosáchedes aos nosos cativos.