RECIBIMOS UNHA CARTA!

A semana pasada, os nenos e nenas de 4 anos (e os de 1º e 2º de primaria) recibimos unha carta do Pedro Nunes!
Nela contounos que se atopa de viaxe por América, concretamente no país que queda máis ao norte deste continente.
Díxonos que nese país a xente fala polo menos dúas linguas, hai moitos bosques de cedros e arces, e nel podemos atopar animais como castores, focas e osos polares!
Tamén escoitamos cancións nas linguas que se falan alí.
Sabedes onde se atopa o Pedro Nunes?
Nós descubrímolo moi rápido! Dádelle ao "Play"!

DIA DA PAZ

O pasado venres 28 de xaneiro celebramos no noso cole o día da paz.
Durante toda a semana estivemos realizando traballos dentro da aula encamiñados a esta celebración. Cos nosos compañeiros de 1º e 2º de primaria realizamos un mural. (pulsade o play e veredes)
Este foi o resultado final

Tamén os nenos de 2º de primaria quixeron compartir con nós, unhas mensaxes de paz que eles mesmos elaboraron e discurriron.

O venres pola tarde todos os nenos e nenas do cole saimos ao patio a conmemorar xuntos este día. Alí leimos poesías e xuntos cantamos a canción que este ano eleximos para gritar Paz

Por último agradecemos as familias, unha vez máis a súa colaboración. Pois  todas as pombiñas que viñeron decoradas das casas, serviron para crear un bosque  moi solidario...