E CHEGOU O DÍA... FRIONSVISIÓN 2012!

E celebramos por fin a gran festa, foi unha xornada moi intensa e chea de ilusións.

Antes de subir ao escenario tivemos que pasar polo Photocall, unha alfombra vermella agardaba ás estrelas do FESTIVAL MUSICAL FRIONSVISIÓN 2012... que emoción!

Que ben o pasamos ao longo de toda a mañá! Tivemos tempo a cantar no Karaoke, xogar no patio e probar os deliciosos produtos tradicionais que trouxéstedes as familias. Moitas grazas!

Os nenos e nenas de infantil levábamos preparada unha coreografía moooi difícil para acompañar un popurri do musical de Grease e caracterizámonos emulando ás estrelas desta película. Estábamos guapísimos e a actuación (como veredes neste vídeo que vos enlazamos) saíu de cine!

PREPARATIVOS DO FESTIVAL

Este ano celebramos un Entroido moi  musical. Para isto, durante os días previos á festa, elaboramos coa axuda das profes os nosos disfraces e algún que outro elemento decorativo relacionado coa temática da nosa actuación. Eses días anteriores ao festival ensaiamos un montón e estábamos cargadiños de nervios e ganas de saír ao escenario!

SEMANA DO ENTROIDO

A semana previa ao festival resultou do máis divertida xa que o noso amigo O Aquel (a mascota da biblioteca) convertíuse en meco e cada día mediante unhas mensaxes escritas suxeríanos vir á clase con algún complemento de entroido.

O LUNS os nosos ollos tivemos que adornar.

O MARTES tivemos que tapar a cabeza.

O MÉRCORES pintámonos a cara.

E o XOVES podíamos repetir decoración e ademais debíamos traer algo do revés.