DEBUXAR ONLINE

Deixámosvos aquí un enlace a unha páxina que acabamos de descubrir na que os peques poderán debuxar libremente no ordenador e imprimir as súas creacións. 

Xa a comezamos a probar no Encerado Dixital Interactivo e a verdade é que a aplicación é moi sinxela e bastante entretida pois ademáis ten unha opción na que os nenos/as poderán visualizar (dándolle ao "play") os pasos que foron seguindo ata rematar o debuxo.

Xa nos contaredes que vos parece!

Facede "clic" na imaxe para acceder á páxina.

ANIVERSARIOS DO 2º TRIMESTRE

A finais do mes de Marzo celebramos os cumples dos nenos e nenas que fixeron anos durante o segundo trimestre.

Eses últimos días de Marzo foron do máis primaverais así que pensamos que sería unha boa idea que a festa xirase arredor desa temática.

   



RAÚL fixo 4 anos 

 

 



ISMAEL, IRENE e XIN YU fixeron 5 anos

ANASS, XULIA, PAULA e LOIS fixeron 6 anos

Os nenos e nenas da clase de 5 anos foron os encargados de organizar o acto, así que decidiron elaborar unhas flores decorativas para os pinchos de froitas que íamos merendar e recortaron tiras de cartolinas para que cada neno/a de infantil puidera facer a súa propia coroa de flores, ás cales, os nenos/as que facían anos, lles engadirían despois algún debuxo que lles recordara a esta estación (bolboretas, xoaniñas, soles, flores...).

As profes elaboramos unhas tartas sorpresa que combinaban bizcoito de chocolate con froitas fresquiñas e unha decoración divertida e relacionada tamén coa PRIMAVERA.

 Peeeero antes de probar este delicioso manxar todos os nenos/as fixeron uns pinchos de froitas que os máis golosos puideron endulzar un pouquiño con azucre! Foron poucos os que non repetiron!

E xa para rematar a festa non podía faltar un bo baile!