28 de maio de 2019

Letras Galegas 2019

Este ano celebramos a nosa III Romaría das Letras Galegas homenaxeando ao historiador, etnógrafo, antropólogo e xeógrafo galeguista Antón Fraguas! Aquí vos queda un resumo do día:


Ademais, nestes días, no timbre musical do colexio, temos soando á Rainha do Fado: Amália Rodrigues co seu clásico "Uma casa portuguesa".

 

10 de maio de 2019

Proxecto de Biblioteca 📖

Con motivo do proxecto anual promovido dende a biblioteca do centro, na aula de 5º de Infantil estivemos traballando a revista como un dos moitos soportes de texto escrito. A verdade, non pensabamos que os nenos e as nenas se entusiasmasen tanto ollando una revista (National Geographic) 😃👏👏



4 de abril de 2019

Auga, calor, terra... tempo de sementar!

Coa chegada da primavera, aproveitamos para poñer a punto o horto. Durante varios días, o alumnado de infantil estivo plantando todo tipo de  hortalizas e legumes 🌱: cenorias, lentellas, tomates, espinacas, pementos, chicharos, cebolas, allos… e tamén plantas ornamentais.

Este horto non sería posible sen os coñecementos e os coidados da nosa compañeira Mari Carmen! Grazas Mari! 😃👏👏




18 de marzo de 2019

Música en Marzo

Marzo, mes dedicado ás mulleres valentes e traballadoras! No noso timbre está sonando este temazo:



24 de febreiro de 2019

Día de Rosalía 2019

Así celebramos o Día de Rosalía de Castro no cole este ano, facendo unha super mani-festa-acción en apoio á nosa máis grande escritora.

#LibreOMeuPensamento_rdc_19


4 de febreiro de 2019

Música en xaneiro e febreiro!


Tras ter o clásico de Vivaldi deleitándonos durante o comezo da tempada invernal...



... comezamos febreiro acompañados de Queen e o seu "Radio Ga Ga" para conmemorar o Día Mundial da Radio (13 de febreiro):


19 de decembro de 2018

Timbre musical en decembro

Estas foron as cancións que puxemos no timbre musical no mes de decembro:


  "Volver a casa por nadal" do Xabarín Club.




"O Apalpador" de Roberto Grandal, con ilusitracións de Leandro Lamas.




Hoxe veu tamén visitarnos o Apalpador, aluciflipamos!






29 de novembro de 2018

SAMAGOSTÍN 2018

Este ano celebramos o Samaín e o Magosto nunha única festa: "Samagostín" 🎃 + 🌰. Por mor da chuvia non puidemos levar a cabo todos os xogos e actividades que tiñamos previstas. Con todo, comemos castañas asadas, vimos a exposición de cabazas, fixemos fantasmas de papel, lemos contos de medo... e como todo día de festa, non faltaron as risas e os bos momentos. Aquí vos deixamos unas cuantas fotos do Samagostín 👻

25 de novembro de 2018

25N

Para conmemorar o Día Internacional da Eliminación da Violencia contra a Muller, o ano pasado traballamos nas aulas e puxemos no timbre musical o tema "Roar" de Katy Perry. Este curso, ademais de participar no vídeo de #equaliter que podedes ver ao final desta entrada, decantámonos pola canción "La puerta violeta" da cantante Rozalén. 




Tamén estamos lendo, entre outros contos, "Xela volveuse vampira", de Fina Casalderrey, suuuuper recomendable para tratar este tema coas pequenas e pequenos!


No CEIP de Frións rexeitamos a violencia e loitaremos por vivir sen medo! #equaliter


13 de novembro de 2018

Fogo Nicolás!

Igual que no curso pasado, estes días no timbre musical está soando o "Fogo Nicolas", un tema musicado polo gaiteiro Xosé Manuel Budiño; esta é unha canción a medio camiño entre a cantiga popular e o trabalinguas e que conta tamén con explosivas onomatopeas.
"Fogo Nicolás" forma parte do Libro-CD-DVD "Celtic Roots", no que participaron nenos/as de Nigrán, Manchester e Bray (Irlanda), o seu obxectivo era afondar, a través da música, nas raíces culturais comúns dos tres países atlánticos.

30 de outubro de 2018

Día mundial das bibliotecas





Con motivo do día mundial das bibliotecas, o 24 de outubro, creamos un conto en cadea entre todo o alumnado. Empezamos a historia nas aulas de infantil e pasando dunha a outra aula a historia foi completándose encargándose do final o alumando de sexto de primaria.




A continuación podedes ler o conto íntegro. Esperamos que vos guste tanto como a nós! 




Érase unha vez un dinosauro que ía comer a outros animais e atopouse con un oso e fíxolle unha ferida, pero o oso quería comer arañas e foise para a súa casa porque era un oso malo. Entón, un moucho, unha mofeta e un coello xogaban cunha piña. De súpeto apareceu o dinosauro. Entón veu un lobo malo, perseguiu ao oso e cansouse de perseguir e marchou enfadado a un bosque.

O lobo buscou á súa manda e xuntos foron facerse amigos dos osos, convidándoos a tomar algo na tasca do bosque. Mentres estaban sentados, pola fiestra viron ao Aquel lendo un libro. Entón ao lobo e ao oso entráronlle ganas de ler, polo que lle enviaron ao Aquel un whatsapp para intercambiar un libro por sopa. Ao que o Aquel respondeu: “se queredes podedes participar na biblioteca escolar de Frións comigo. Envíovos esta carta para que vos fagades membros da nosa biblioteca escolar. Así poderedes ler os nosos libros. De ser así, eu espérovos e podemos ver como están clasificados os libros, ler na biblioteca e levar algún libro para a casa. Mandádeme unha foto para o carné de socios”.

Unha vez cos seus carnés, o oso e o lobo exploraron a biblioteca en busca dun libro divertido. Despois de buscar e buscar, atoparon un libro moi chulo que falaba sobre o colexio de Frións. Cando o acabaron de ler, na última páxina do libro, había un mapa que sinalaba onde se atopa un cofre dun tesouro. Foron a buscar o tesouro ao bosque das mil árbores e non o atoparon. Logo chegaron ao deserto frío e atoparon unha pista, unha nota debaixo dunha pedra; na nota poñía: “se o tesouro queres encontrar, ás 21:30 ao ceo de Frións has de mirar”. Ás 21:30 da noite o oso, o lobo e o Aquel miraron ao ceo e viron letras escritas coas estrelas que dicían: “o verdadeiro tesouro é a vosa a amizade e todo o que aprendedes no cole de Frións”.